கடவுளின் கதை

 

 

 

 

 

சிவப்பு விளக்கெரியும்

சாலை சந்திப்புகளில்

பிச்சை எடுக்கிறார்கள்

கடவுள்கள்.

 

பதினாறாம் வய்ப்பாட்டைத்

தலைகீழாய் ஒப்புவிக்கச் சொல்லி

பிரம்படி வாங்குகிறார்கள்.

 

பாதி கட்டி முடிக்கப்பட்ட

ஒரு கட்டிடத்தில்

வன் புணர்வு கொண்டு

சீரழிக்கப் படுகிறாள்

ஒரு கடவுள்.

 

பொம்மையை

வைத்திருந்த கடவுளின் கையில்

பிடிவாதமாகத் திணிக்கப் படுகிறது

தலையணையொத்த புத்தகங்கள்.

 

பாத்திரங்கள் கழுவவும்

சமையலைக் கற்றுக் கொள்ளவும்

கட்டாய வகுப்பெடுக்கிறார்கள்

பெண் கடவுள்களுக்கு மட்டும்.

 

இழி மனிதர்களின்

தேசத்தில்

வதைக்கப்பட்டு

சிறகுகளை முறித்துக்

கொண்டு

மனிதர்களாகவே

வளர்ந்து விடுகிறார்கள்

கடவுளாய்ப் பிறந்த

குழந்தைகள்.

 

CCTV camera videos

Good Noon..

 

 

நட்புடன்,

இரா.பூபாலன்

 

செல்பேசி : 9842275662

 

www.raboobalan.blogspot.com

 

மலரினும் ...

 

மலரினும் மெல்லிய

உன் இதயத்தில்

மலையினும் பெரிதாய்

இருக்கிறது

என் மீதான உன் காதல்.

          

இதய வடிவிலான

ரோஜாப் பூவொன்றைப்

பரிச்சளிக்கிறேன்.

ரோஜாவினும் மென்மையான

இதயம் கொண்ட உனக்கு.

           

அம்மன் கோவில்

அர்ச்சனைப் பூவை

கூந்தல் கற்றையை

ஒதுக்கி நீ

சூடிக் கொள்ளும்

நேர்த்தியைப் பார்த்து

தன் கூந்தலை

ஒருமுறை சரி

செய்து கொள்கிறாள்

அம்மன்

யாரும் அறிந்திராவண்ணம்.

காதல்

இரு மனதில்

ஒரு எண்ணம்

 

இரு விழிகளில்

ஒரு காட்சி

 

இரு உடலில்

ஒரு உயிர்

 

ஒரே சொல்லில்

ஒரு வாழ்க்கை

 

 

 

 

சுவரெங்கும்
வண்ண வண்ண
சித்திரங்கள்
குழந்தை  கை வண்ணத்தில்.
விலை கொடுத்து
வாங்கி வந்து
சுவற்றில் மாட்டப்பட்ட
அழகிய ஓவியமொன்று
ஏங்கித் தவிக்கிறது
இப்படி இருந்திருக்கலாம் என்று.

கடவுள்களின்
நகரத்தில்
வாழ்ந்து கொண்டிருக்கிறாய்
நீ.
ஒரு வழிப் போக்கனாக
உன்னுள் நுழைந்த
நானும்
மாறியிருக்கிறேன்
கடவுளாக.

அழுகை

 
ஓவெனக் கதறி
அழுவதைக் காட்டிலும்
அதிகம் வலிப்பது
சத்தமில்லாமல் அழுவது.
அதனினும் அதிகம்
வலிப்பது
கண்களில் நீர் வராமல்
அழுவது.